दाङ । लुम्बिनी प्रदेशमा भएको तीन जना राष्ट्रियसभा सदस्यको निर्वाचनमा सत्तारूढ गठबन्धन बिजयी भएको छ ।

गठबन्धनका तर्फबाट काँग्रेसका युवराज शर्मा,  नेकपा एकीकृत समाजवादीका राज्य लक्ष्मी गैरे र राष्ट्रिय जनमोर्चाका तुलप्रसाद बिक (राजेश)  विजयी भएका हुन् ।

अन्तिम मतपरिणाममा गठबन्धनका उम्मेदवारले ४ हजार ३ सय ७४ मतभार पाएका छन् भने नेकपा एमालेका उम्मेदवारका पक्षमा ३ हजार ३ सय १२ मतभार भएको छ । एमालेका उम्मेदवार रामदयाल गुप्ता, भारती खनाल उपाध्याय र कृष्ण सुनार पराजित भएका छन् ।

आगामी २० फागुनमा  १९ जना राष्ट्रियसभा सदस्यको कार्यकाल सकिँदै छ । जसमा लुम्बिनी प्रदेशबाट कोमल ओली, दीर्घनारायण पाण्डे र रामलखन चमारको चार बर्षे कार्यकाल सकिदैछ । 

लुम्बिनी प्रदेशमा १२ जिल्लाका प्रदेशसभा सदस्य ८१ र एक सय नाै स्थानीय तहका प्रमुख र उपप्रमुख दुई सय १५ जना गरी दुई सय ९६ मतदाता थिए ।