काठमाडौं । नेपालका लागि बजाज मोटरसाइकलको आधिकारिक वितरक संस्था हंसराज हुलासचन्द एण्ड कम्पनीले कुपण्डोलको गुसिङगालमा सुविधा सम्पन्न नयाँ सर्भिस सेन्टर खोलेको छ ।

मोटरसाइकल सर्भिसिङमा २० वर्षको अनुभव भएका दक्ष प्राविधिकहरुबाट सर्भिसिङ गराइने यस सर्भिसिङ सेन्टरमा ५५ मिनेटमै काम सम्पन्न हुने दाबी गरिएको छ ।

एक दिनमा ८० भन्दा बढी बाइकहरु सर्भिसिङ गर्न सक्ने क्षमता भएको यो सेन्टरमा ग्राहको सुविधाका लागि प्रतिक्षालय र क्याफेको पनि सुविधा रहेको छ ।

कुपण्डोलमा नयाँ शोरुम उदघाटन गर्न पाउँदा आफूलाई निकै खुशी लागेको शोरुम उदघाटन कार्यक्रममा हंसराज हुलासचन्द एण्ड कम्पनीका जनरल म्यानेजर योगेन गुरुङले बताए ।