पोखरा । सशस्त्र प्रहरीको एपीएफल क्लवले आहा रारा गोल्ड कप फुटबलको उपाधि जितेको छ । एपीएफ क्लव १४ वर्षपछि आहारारा गोल्डकपको उपाधि यात्रामा पुगेको थियो ।

शनिवार पोखरा रंगशालामा भएको फाइनलमा मनाङ मस्र्याङ्दीलाई टाइब्रेकरमा ५–४ ले हराउँदै एपीएफले उपाधि चुमेको हो ।

तोकिएको समयावधिमा २–२ गोलको बराबरी भएपछि अतिरिक्त ३० मिनेट दिइएको थियो ।

अतिरिक्त समयमा पनि थप गोल नभएपछि खेल टाइब्रेकरमा गएको थियो ।

सहारा क्लब पोखराको आयोजनामा भएको प्रतियोगितामा १० टोलीले सहभागिता जनाएका थिए ।

विजेता एपीएफले १० लाख एक हजार र उपविजेता मनाङले पाँच लाख एक हजार रुपयाँ पुरस्कार पाएका छन् ।