काठमाडौं । नेपालमा केही समय ह्वात्तै बढेको कोरोना संक्रमण घट्दो क्रममा रहेको छ । पछिल्लो २४ घण्टाको अवधिमा देशभरबाट ३ हजार ६ सय ३७ जनामा संक्रमण पुष्टी भएको छ ।

देशभरका विभिन्न प्रयोगशालामा ६ हजार ४९९ जनाको पीसीआर परीक्षण गर्दा २ हजार २०५ जना र ५ हजार ८३ जनाको एन्टीजेन विधिबाट परीक्षण गर्दा १ हजार ४३२ जनामा संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

पछिल्लो २४ घण्टामा कोरोना संक्रमणबाट १२ जनाको मृत्यु भएको छ ।

सोही अवधिमा देशभरबाट ७ हजार ५५५ जना संक्रमणमुक्त भएका छन् । अहिले नेपालमा ६९ हजार २९१ सक्रिय संक्रमित रहेको मन्त्रालयले जनाएको छ ।