काठमाडौँ । हाल देशमा पश्चिमी वायूको सामान्य प्रभाव रहेको छ । देशको पहाडी भू भागमा आंशिक बदली रहेको छ र तराइका थोरै भू भागमा हुस्सु र कुहिरो रहेको छ ।

मौसम पूर्वानुमान महाशाखाका अनुसार आज दिउँसो प्रदेश १, बागमती प्रदेश र गण्डकी प्रदेशका पहाडी भू भागमा आंशिकदेखि सामान्य बदली रही बाँकी भू भागमा मौसम सामान्यतया सफा रहने छ । यस्तै, प्रदेश १, बागमती र गण्डकी प्रदेशका पहाडी भू भागका थोरै स्थानहरूमा हल्का वर्षा र सो प्रदेशका उच्च पहाडी तथा हिमाली भू भागका थोरै स्थानमा हल्का हिमपातको सम्भावना रहेको छ ।

हिमपातको सम्भावना रहेको प्रदेशमा चिसोबाट बच्न महाशाखाले अनुरोध गरेको छ ।