काठमाडौं । प्रधानन्यायाधीश चोलेन्द्रशमशेर जबराविरुद्ध दलहरुले महाभियोग दर्ता गरेलगत्तै नेपाल बार एशोसिएसनले आन्दोलन स्थगित गरेको छ ।

आफूहरुले अघि सारेको माग प्रारम्भिक रुपमा सम्बोधन भएको निष्कर्ष बारले आन्दोलन स्थगित गरेको जनाएको हो ।

बारले लामो समयदेखि न्यायपरिषदको पुनर्सरचना र प्रधानन्यायाधीस चालेन्द्र शम्सेर जबराको राजीनामा माग गर्दै सर्वोच्च अदालत परिसरमा आन्दोलन गर्दै आएको थियो ।

दलहरुले जबराविरुद्ध महाभियोग लगाए लगत्तै बारले सर्वोच्च परिसरको आन्दोलन स्थगित गर्दै वैचारिक रुपमा अन्दोलन अघि बढाउने निश्कर्ष निकालेको हो ।

अब नेपाल बार एशोसिएसनका एजेण्डाहरुलाई वैचारिक रुपमा अघि बढाइने बार एशोसिएसनका महासचिव लिलामणि पौड्यालले जानकारी दिए ।