काठमाडौं । प्रमुख प्रतिपक्षी दल नेकपा एमालेले सर्वोच्च अदालतका प्रधानन्यायाधीस चोलेन्द्रशम्शेर जबराविरुद्धको महाअभियोगको प्रतिवाद गर्ने निर्णय गरेको छ ।

एमाले केन्द्रीय सचिवालयको आइतबार बेलुका सम्पन्न बैठकले महाअभियोगको प्रतिवाद गर्ने निर्णय गरेको हो ।

आइतबार पार्टी अध्यक्ष केपी शर्मा ओलीको निवास बालकोटमा बसेको एमालेको सचिवालय बैठकले यस्तो निर्णय गरेको हो । 

महासचिव श‌ंकर पोखरेलले प्रधानन्यायाधीशविरुद्ध आएको महाभियोग षड्यन्त्रपूर्ण भएको बताए ।  उनले यो काम अनुचित र लोकतन्त्रका लागि खतरा देखिएको बताए । 

सत्ता गठबन्धनका तीन दल कांग्रेस, माओवादी केन्द्र र एकीकृत समाजवादीका सांसदहरुले राणाविरुद्ध संसद  सचिवालयमा महाभियोग दर्ता गरेपछि एमालेको आपतकालिन सचिवालय बैठक बसेको थियाे ।

सत्तागठबन्धन दलले प्रधानन्यायधीश जबराविरुद्ध २१ बुँदे अभियोग लगाउँदै आइतबार नै महाभियोग दर्ता गराएको छ ।

सत्ता गठबन्धन दलले महाअभियोग दर्ता गराएसँगै जबरा स्वतः पदमुक्त भएका छन् । वरिष्ठ न्यायाधीस दीपक कार्की कार्यबाहक प्रधानन्यायधीस तोकिएका छन् ।

जबराविरुद्धको अभियोगपत्रमा कांग्रेस सचेतक पुष्पा भुसाल, नेकपा माओवादी केन्द्रका सचेतक देव गुरुङ र नेकपा एकीकृत समाजवादीका सांसद जीवनराम श्रेष्ठले प्रस्ताव गरेका छन् भने उक्त प्रस्तावमा ९८ सांसदको हस्ताक्षर छ ।