काठमाडौँ । आमाको हत्या गरेको आरोपमा मोरङ उर्लाबारीमा एक जना पक्राउ परेका छन् । पक्राउ पर्नेमा उर्लाबारी नगरपालिका ४ आइतबारेका ३५ वर्षीय गंगाप्रसाद भण्डारी रहेका छन् ।

उनले आफ्नी आमा ७० वर्षीया चन्द्रमाया भण्डारीको हत्या गरेको प्रहरीले जनाएको छ । मादक पदार्थ सेवन गरिरहने भण्डारीले आइतबार अपराह्न साढे चार बजे वृद्धा आमालाई काठको चिर्पटले प्रहार गरेर घाइते बनाएका थिए ।

उनको आइतबार राति साढे १० बजेतिर मदन भण्डारी अस्पताल तथा ट्रमा सेन्टरमा उपचारका क्रममा मृत्यु भएको प्रहरीले जनाएको छ ।