काठमाडौं । राष्ट्रिय प्रजातन्त्र पार्टी (राप्रपा) निकट भ्रातृ संगठनहरूले एमसीसीका विरुद्धमा प्रदर्शन गर्ने भएका छन् ।

सोमबार राजधानीमा बसेको राप्रपा निकट २१ भ्रातृ संगठनको बैठकले एमसीसीविरुद्ध एकबद्ध भएर प्रदर्शन गर्ने निर्णय गरेको हो ।

उनीहरूले ४ माघ बुधबार माइतीघर मण्डलामा विरोधप्रदर्शन गर्ने निर्णय गरेका छन् ।

एमसीसी देशको हित विपरित रहेको निश्कर्षसहित प्रदर्शन गर्ने निर्णयमा पुगेको बैठकमा सहभागी एक नेताले बताए ।