काठमाडौं । आफूलाई सामाजिक अभियन्ता बताउँदै आएका ज्ञानेन्द्र शाही राष्ट्रिय प्रजातन्त्र पार्टीमा प्रवेश गरेका छन् ।

भ्रष्टाचारविरुद्धको अभियान चलाउँदै आएका शाहीले पछिल्लो समय हाम्रो नेपाल, हाम्रो नेपाली अभियान सञ्चालन गर्दै आएका थिए । सोही अभियानकातर्फबाट उनी अमेरिकी सहयोग परियोजना एमसीसीकाविरुद्धमा आन्दोलनमा थिए ।

मंगलबार काठमाडौंको धुम्बाराहीस्थित पार्टी केन्द्रिय कार्यालयमा बसेको पार्टी पदाधिकारी बैठकले शाही नेतृत्वको ‘हाम्रो नेपाल, हाम्रो नेपाली अभियान’लाई पार्टीमा समाहित गर्ने निर्णय गरेको प्रवक्ता मोहन श्रेष्ठले जानकारी दिए ।

समान विचार भएका अन्य दलसँग पार्टी एकताका लागि गठित महामन्त्री धवल शमशेर राणा नेतृत्वको वार्ता समितिले सो अभियानसँग एकता गर्ने प्रस्ताव बैठकमा राखेको थियो ।