हेटौडा । मनहरी गांउपालिकाको आर्थिक सहयोग र हेटौडा सामुदायिक आँखा अस्पतालको प्राविधिक सहयोग एवम् योग्सी युनिभर्सिटी र चुगंमुगं कोग कोरीयाबाट प्राप्त उपकरणहरुको सहायोगमा संचालित सामुदायिक आँखा केन्द्र मनहरी समुद्घाटन भएको छ ।

मनहरी गांउपालिकाका अध्यक्ष एकराज उप्रेती र नेपाल आंखा कार्यक्रमका कार्यकारीणी सदस्य सिद्धिलाल श्रेष्ठले केन्द्रको सयुंक्त रुपमा मंगलबार उद्घाटन गरेका हुन् ।

नेपाल रेडक्रश सोसाईटी मनहरी उपशाखा मनहरी र हेटौडा सामुदायिक आँखा अस्पतालको समन्वयमा साप्तााहिक रुपमा संचालित आँखा केन्द्रलाई गांउपालिकाको समन्वयमा दैनिक रुपमा संचालन गर्न लागिएको बताइएको छ ।

मननहरी गांउपालिका अध्यक्ष एकराज उप्रेतीज्यूले आँखा स्वास्थ्यको क्षेत्रमा विकास गर्न मनहरी गांउपालिका सहयोग गर्न तत्पर रहेको बताए ।
नेपाल आंखा कार्यक्रमका कार्यकारीणी सदस्य सिद्धिलाल श्रेष्ठले तिलगंगा सदैव अन्धोपन निवारणको लागि लागि परिरहेको र मकवानपुरमा पहिलो पटक आंखा स्वास्थ्यको सेवा मनहरीबाट शुरु गरेको बताए ।
उक्त अवसरमा श्रेष्ठले आफ्नो बुबाको स्मृतिमा स्थापित संस्था पञ्च सिद्धि फाउण्डेशन मार्फत २५ जना विपन्न बिरामीहरुलाई निशुल्क मोतिविन्दुको शल्यक्रिया गर्न सहयोग गर्ने बताए ।