काठमाडौं । नेपालमा पछिल्लो २४ घण्टामा थप ६३९ जनामा कोरोना भाइरस संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९ हजार ७५६ जनाको नमुना परीक्षण गर्दा ६ सय ३९ जनामा कोरोना संक्रमण पुष्टी भएको हो ।

६ हजार ७८२ जनामा पिसिआर गर्दा ५४८ जनामा र २ हजार ९७४ जनाको एन्टिजेन परीक्षण गर्दा १८५ जनामा संक्रमण पुष्टि भएको मन्त्रालयले जनाएको छ ।

पछिल्लो २४ घण्टाको अवधिमा कोरोना संक्रमणबाट थप ३ जनाका मृत्यु भएको छ । यो सहित नेपालमा कोरोना संक्रमण पुष्टी भएका ११ हजार ९०५ जनाको मृत्यु भएको छ ।

सोही अवधिमा १६ सय जना संक्रमणमुक्त भएका छन् । हाल देशभर सक्रिय संक्रमित १८ हजार २५१ जना रहेका छन् ।

काठमाडौं उपत्यकामा बुधबार थप २०१ जनामा कोरोना भाइरसको संक्रमण पुष्टि भएको छ । काठमाडौंमा १६४, भक्तपुरमा १२ र ललितपुरमा २५ संक्रमित थपिएको मन्त्रालयले जनाएको छ ।