काठमाडौं । माओवादी केन्द्रका अध्यक्ष पुष्पकमल दाहाल प्रचण्डले आजको गठबन्धनको बैठकमा कसरी प्रस्तुुत हुने विषयमा छलफल भएको बताएका छन् ।

सिंहदरबारस्थित माओवादी केन्द्रको संसदीय दलको कार्यालयमा भएको छलफलमा समाजबादी, माओवादी र जसपाका तीन नेताबीचको बैठकले एमसीसी कसरी निकास दिने विषयमा छलफल भएको प्रचण्डले बताएका हुन् ।

‘पाँच बजे संयन्त्रको बैठक छ, त्यसको तयारीका लागि छलफलमा बसेका हौं,’ प्रचण्डले भने, ‘गठबन्धनलाई नै कसरी बचाउने र यो एमसीसीलाई कसरी निकास दिने भन्नेमै छ । पाँच दलको बैठकमा छलफल गरेर एउटा निचोड निकाल्नेमै हाम्रो जोड छ । जोड सकेसम्म यो गठबन्धन बचाउनेमा छ ।’

प्रधानमन्त्री शेरबहादुर देउवाले आज बेलुका ५ बजे गठबन्धन बैठक बोलाएका छन् ।