काठमाडौँ । नेपालमा थप ३ सय ५० जनामा कोरोना संक्रमण पुष्टी भएको छ ।

पछिल्लो २४ घण्टामा ३ हजार ५३८ जनाको पीसीआर परीक्षण गर्दा १९८ जना र ३ हजार ५ सय ५८ जनामा एन्टीजेन परिक्षण गर्दा १५२ जनाको कोरोना संक्रमण पुष्टी भएको स्वास्थ्य तथा जनसंख्या मन्त्रालयले जनाएको छ ।

स्वास्थ्य मन्त्रालयका अनुसार पछिल्लो २४ घण्टामा को अवधिमा चार जना कोरोना संक्रमितको मृत्यु भएको छ । योसँगै हालसम्म कोरोना संक्रमणवाट मृत्यु हुनेको संख्या ११ हजार ९१७ पुगेको छ ।

यस्तै, पछिल्लो २४ घण्टामा १ हजार २७२ जना कोरोना संक्रमणमुक्त भएका छन् ।
अहिलेसम्म ९ लाख ५० हजार ५६ जना कोरोना संक्रमणमुक्त भएको मन्त्रालयले जनाएको छ ।

यसैबीच, पछिल्लो २४ घण्टामा काठमाडौं उपत्यकामा विभिन्न प्रयोगशालमा गरिएको परीक्षणमा ६२ जनामा कोरोना संक्रमण पुष्टि भएको छ ।
मन्त्रालयका अनुसार शनिवार काठमाडौं जिल्लामा ५१ जना, ललितपुर जिल्लामा ७ जना र भक्तपुर जिल्लामा ४ जनामा कोरोना संक्रमण देखिएको छ ।