काठमाडौं । लोकतान्त्रिक समाजवादी पार्टी नेपाल (लोसपा) शीर्ष नेताहरुको छलफल काठमाडौंको बबरमहलस्थित पार्टी कार्यालयमा बसिरहेको छ ।

पार्टीभित्रको विवादका कारण लामो समयदेखि बैठक बस्न सकेको थिएन । बैठकमा लोसपाका अध्यक्ष महन्थ ठाकुर, वरिष्ठ नेता राजेन्द्र महतो, अर्का वरिष्ठ नेता शरतसिंह भण्डारी, कार्यकारिणी सदस्य अनिलकुमार झा र सर्वेन्द्रनाथ शुक्लालगायत सहभागी रहेका छन् ।

बैठकमा देशको समसामयीक राजनीतिक अवस्थाका साथै संसदमा आइतबार पेश भएको अमेरिकी सहयोग परियोजना एमसीसी प्रस्तावबारेमा छलफल चलिरहेको छ ।

पछिल्लो समय पार्टीमा आन्तरिक विवाद चर्किएपछि लोसपाका कार्यकारिणी सदस्य वृषेशचन्द्र लाल तथा डा.विजय सिंह लगायत पार्टी छाडेर तराई मधेस लोकतान्त्रिक पार्टीमा प्रवेश गरेका थिए ।

प्रदेश, जिल्ला तथा स्थानीय तहमा गरिएको मनोनयनप्रति पार्टीभित्र विवाद भएको हो । पार्टी अध्यक्ष महन्थ ठाकुरले एकलौटी ढंगले मनोनयन गरेको भन्दै नेताहरुले असन्तुष्टि जनाउँदै आएका थिए ।