काठमाडौं । कांग्रेस र एमालेका शीर्ष नेताकावीच प्रधानमन्त्री निवास बालुवाटारमा झण्डै दुइ घण्टा छलफल भएकाे छ । सरकारको नेतृत्व समेत गरिरहेको दल नेपाली काग्रेसका सभापति समेत रहेका प्रधानमन्त्री शेरवहादुर देउवाको जोडबलमा गत फागुन ८ गते संसदमा मिलिेनियम च्यालेन्ज कर्पाेरेसन एमसीसी सम्झौत अनुमोदनका लागि संसदमा पेश भएपछि कांग्रेस र एमालेका शीर्ष नेताहरुका वीचमा बालुवाटारमा छलफल भएकाे हो ।

छलफलमा कांग्रेसका तर्फबाट सभापति समेत रहेका प्रधानमन्त्री शेरवहादुर देउवा, उपसभापति पूर्णवहादुर खड्का, सञ्चारमन्त्री ज्ञानेन्द्रवहादुर कार्की र नेता मीनेन्द्र रिाजल छन । त्यस्तै एमालेबाट अध्यक्ष केपी ओली, वरिष्ठ उपाध्यक्ष इश्वर पोखरेल, उपाध्यक्ष विष्णु पौडेल र उपमहासचिव विष्णु रिमाल सहभागी छन् ।

एमालेले प्रधानमन्त्रीलाई सत्ता गठबन्धन तोडन उक्साईरहेका छन् । माओवादी केन्द्र र नेकपा एकीकृत समाजवादीसँगको सत्ता गठबन्धन तोडने काम प्रधानमन्त्री देउवाले गरे एमसीसीमा सहयोग गर्ने बचन एमालेले प्रधानमन्त्रीलाई दिएका छन् ।

संसदमा एमसिसी टेबल भएपछि प्रधानमन्त्री देउवा सहितका कांग्रेस नेताहरु र ओली सहित एमाले नेताहरुको टोलीका बीच पहिलो पटक छलफल भईरहेको हो ।

देउवाले सत्ता गठबन्धन तोडेरै भएपनि एमसीसी पारित गर्न चाहेका छन् । त्यसका लागि उनले एमाले नेतृत्वसँग तीन् ओटा विषयमा आस्वतस्त हुन चाहिरहेका थिए । एमसीसी अनुमोदनका लागि सहयोग गर्नुपर्ने, आफ्नै नेतृत्वको सरकार चुनावसम्मै चलन दिनुपर्ने र चुनावमा एमालेले माओवादी केन्द्रसँग गठबन्धन गर्न नहुने विषयमा स्पष्ट हुन चाहिरहेका छन् । त्यसो भएमा देउवा एमालेसँग सत्ता साक्षेदारी सम्म गर्न चाहेको कांग्रेसले एमालेसँग प्रस्ताव गरेको छ ।

तर ओलीले गठबन्धन तोडेमा एमसीसीमा सहयोग गर्ने, माओवादी र एकीकृत समाजवादीसँग चुनावी गठबन्धन नगर्ने, सभामुखलाई महाअभियोग लगाउनु पर्ने र केन्द्र सरकारलाई वाहिरै बसेर सहयोग गर्ने तर प्रदेशमा नेकपा एकीकृत समाजवादीले नेतृत्व गरिरहेको प्रदेश १ र वागमति प्रदेश सरकारको नेतृत्व आफुलाई दिनुपर्ने प्रस्ताव एमालेले कांग्रेससाग राखिरहेको छ ।

यही सन्र्दभमा कांग्रेस र एमाले शीर्ष नेताहरुको छलफल भईरहेको हो । कांग्रेसले दिनभर माओवादी केन्द्र र एकीकृत समाजवादीसँग एमसीसीमा सहयोगको अपेक्षा जारी राखेको थियो । तर सिंहदरवारमा माओवादी अध्यक्ष प्रच्ण्ड, एकीकृत समाजवादीका अध्यक्ष माधव नेपाल र जनता समाजवादीका अध्यक्ष उपेन्द्र यादवका वीचमा छलफल भएको थियो । कांग्रेस नेता पूर्णवहादुर खड्काले प्रचण्डलाई खुमलटारमा पुगेर भेटेपनि सहमति जुटाउन सकेका थिएनन ।

त्यसपछि एमाले र माओवादीका शीर्ष नेताहरुको यो छलफल भएको हो । छलफल सकारात्मक दिशामा गए अहिले कायम सत्ता गठबन्धन भत्कने र नयाँ समिकरण निर्माण हुने सम्भावना वढेर गएको बालुवाटार स्रोतले बताएको छ ।