काठमाडौं । नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले षड्यन्त्र र भ्रमको जालो चिरेर विजयी हुने बताएका छन् । अहिले नेपालमा क्रान्ति र प्रतिक्रान्तिकारीहरुबीच संघर्ष चलिरहेका बताएका हुन् ।

‘विश्व ईतिहासमा हरेक क्रान्तिपछि प्रतिक्रान्तिकारीहरु फेरी पुरानौ सत्ता उल्ट्याउन भरपुर कोशिश गर्छन, अहिले नेपालमा क्रान्ति र प्रतिक्रान्तिकारीहरुबीच संघर्ष चलिरहेको छ । उनीहरुले कैयन षड्यन्त्र रचिरहेका र भ्रम छरिरहेका छन् । तर हामी ती सबै प्रपञ्चको जालो चिरेर विजयी हुनेछौ,’ प्रचण्डले सामाजिक सञ्जालमा लेखेका छन् ।

आईतबार संसदमा एमसीसी पेस भएको छ । भने बिहिबार संसदमा एमसीसीको विषयमा छलफल हुदै छ । संसदमा आफुहरु कसरी प्रस्तुत हुने विषयमा प्रचण्डले गठबन्धनका शिर्ष नेताहरुसँग संसदमा एमसीसी पक्षमा वा विपक्षयमा मतदान गर्ने विषयमा छलफल गरिहेका छन् ।
यता, प्रधानमन्त्री शेरबहादुर देउवाले आफु निकट नेताहरुलाई एमसीसीको पक्षमा बहुमत जुटाउँन अन्य दलहरुसँग छलफल गर्न पठाईरहेका छन् । आजै बिहान गृहमन्त्री बालकृष्ण खाँणलाई प्रचण्ड र नेकपा एमालेका अध्यक्ष केपी शर्मा ओलीसँग एमसीसीको विषयमा छलफल गराउँन प्रधानमन्त्री देउवाले पठाएका थिए । भने मंगलबार ओली प्रधानमन्त्री भेट्न बालुवाटार पुगेका थिए ।