काठमाडौं । प्रतिनिधिसभाको विहीबार बस्ने बैठकमा अमेरिकी सहयोग परियोजना एमसीसीबारेमा छलफल हुने भएको छ ।

संसद सचिवालयले आज सार्वजनिक गरेको कार्यसूचिमा अर्थमन्त्री जनार्दन शर्माले संसदमा पेश भएको एमसीसी सम्झौतामाथि सामान्य छलफल गरियोस् भनी प्रस्ताव गर्ने उल्लेख छ ।

आइतबार एमसीसी प्रस्ताव अर्थमन्त्री शर्माले पेश गर्ने कार्यसूची भए पनि शर्माले अस्वीकार गरेपछि सञ्चारमन्त्री ज्ञानेन्द्रबहादुर कार्कीले पेश गरेका थिए ।

प्रतिनिधिसभाको बिहीबार दिउँसो १ बजेका लागि बोलाइएको बैठकमा दुई वटा कार्यसूची मात्रै रहेको संसद सचिवालयले जनाएको छ ।

पहिलो कार्यसूचीमा महान्यायाधीवक्ताको वार्षिक प्रतिवेशन संसदीय मामिला मन्त्री दिलेन्द्रप्रसाद बडुले पेश गर्ने उल्लेख छ ।

संसद बैठकअघि विहीबार विहान ११ बजे कार्यब्यवस्था परामर्श समितिको बैठक बस्दैछ ।

यस्ताे छ, कार्यसूची