काठमाडौं । वीर अस्पतालले नयाँ सर्जिकल भवनमा ननकोभिड बिरामीका लागि आइसीयू तथा एचडियू सेवा थप गरेको छ।
अस्पतालका प्रमुख डा भुपेन्द्र बस्नेतले बिरामीको चाप बढी भएकाले सेवालाई विस्तार गर्न आइसीयू र एचडियू सहितको २९ वटा बेड थप गरिएको बस्नेतले जानकारी दिए। उनले आइसीयू आवश्यकता पर्ने गम्भीर प्रकृतिका बिरामीका लागि अस्पतालहरुमा अझैपनि अभावकै अवस्था रहेको बताए ।

वीरमा थप गरिएको एचडीयू सहितको २९ बेड आइसीयू र यसअघि भएको ३५ वेडको आइसीयू सहित ननकोभिड बिरामीका लागि मात्र ६४ बेड पुगेको छ। उनले भने, ‘सर्जिकल भवनमा ५० बेड कै आइसीयू सञ्चालन गर्न सक्ने क्षमता र प्रविधि छ, तर नर्सिङ जनशक्तिको अभाव छ,सरकारले लोकसेवा मार्फत नर्सिङ जनशक्ति बढाउने हो भने त हामीले चलाउन सक्छौं।’

अस्पतालको ३५ वटा आइसीयू बेड पुरानो भवनमा सञ्चालनमा छन् । आइसीयू बेड सञ्चालनका लागि नर्सिङ जनशक्तिको भने अभाव रहेको उनले जानकारी दिए।