काठमाडौँ । नेकपा माओवादी केन्द्रले सत्ता गठबन्धन नटुटाउने निर्णय गरेको छ । माओवादी केन्द्रले सत्ता गठबन्धनलाई निरन्तरता दिन अन्तिम प्रयास गर्ने निर्णय गरेको हो ।

पार्टी अध्यक्ष पुष्पकमल दाहाल ‘प्रचण्ड’ निवास खुमलटारमा शुक्रबार बसेको पूर्व स्थायी कमिटी सदस्यको बैठकले गठबन्धनलाई निरन्तरता दिन प्रयास गर्ने निर्णय गरेको हो ।

यस्तै, बैठकले अमेरिकी सहयोग परियोजना मिलिनियम च्यालेञ्ज कर्पोरेशन (एमसीसी)का सम्बन्धमा पार्टीले लिँदै आएको अडानलाई यथावत राख्ने निर्णय भएको छ । जसअनुसार माओवादीले एमसीसीको विपक्षमा मतदान गर्ने भएको हो ।