काठमाडौं । पछिल्लो २४ घण्टामा नेपालमा १ सय ८० जनामा कोरोना संक्रमण पुष्टि भएको छ। सोमबार स्वास्थ्य तथा जनसंख्या मन्त्रालयले दिएको जानकारी अनुसार ८ हजार ३ सय ४१ जनामा परीक्षण गर्दा १८० जनामा संक्रमण पुष्टि भएको हो। सोही समयमा ४ सय जना संक्रमित निको भएका छन् ।
भने कोरोना संक्रमणका कारण एक जनाको मृत्यु भएको छ।
नेपालमा कोरोनाका कारण ज्यान गुमाउनेको संख्या ११ हजार ९३६ पुगेको मन्त्रालयले जनाएको छ। नेपालमा हाल ८२३५ जना सक्रिय संक्रमित रहेका छन्।