काठमाडौँ । नेपाल कम्युनिष्ट पार्टीका महासचिव नेत्रविक्रम चन्द ‘विप्लव’ले नेकपा एमालेका नेता भीम रावललाई भेट गरेका छन् । अमेरिकी सहयोग परियोजना एमसीसीको विरोधी नेतालाई भेटिरहेका विप्लवले एमाले नेता रावलसँग भेट वार्ता गरेका हुन् ।

विप्लव र नेता रावलबीच एमसीसी अनुमोदनपछिको पछिल्लो राजनीतिक अवस्थाबारे छलफल भएको नेकपाका प्रवक्ता खड्गबहादुर विश्वकर्मा ‘प्रकाण्ड’ले बताएका छन् ।

विप्लवले यसअघि बुधबार नेकपा एकीकृत समाजवादीका नेता झलनाथ खनाल, माओवादी केन्द्रका नेता नारायणकाजी श्रेष्ठ, नेपाल मजदुर किसान पार्टीका अध्यक्ष नारायणमान विजुक्छे र प्रेम सुवालसँग भेट गरेका थिए ।