काठमाडौं । काठमाडौंको नयाँ बानेश्वरस्थित एभरेष्ट अस्पतालले यहि फागुन २४ गते नारी दिवसको दिन निःशुल्क स्वास्थ्य शिविर सञ्चालन गर्ने भएको छ ।
फागुन २४ गते अस्पतालले विशेषगरी स्त्री रोगसँग सम्बन्धित महिलाहरुका लागि निःशुल्क स्वास्थ्य शिविर सञ्चालन गर्न लागेको अस्पतालले जनाएको छ ।
बरिष्ठ स्त्री रोग तथा निसन्तान विशेषज्ञ डा.जोत्सना शर्मा तथा ल्याप्रोस्कोपी सर्जन तथा निसन्तान विशेषज्ञ डा. राजन शाह र बेस्ट अनकोसर्जन डा. विकास शाहले स्तन क्यान्सरको निःशुल्क ओपीडी सञ्चालन गर्ने भएका छन् ।
२४ गते विहान १० बजेदेखि साँझ ७ बजेसम्म सञ्चालन हुनेछ । स्त्री रोग तथा निसन्तान सम्बन्धि निःशुल्क स्वास्थ्य परीक्षण र स्तन क्यान्सर सम्बन्धि सम्पूर्ण रोगको परामर्श जाँच एवम् उपचार गरिने अस्पतालका प्रशासकीय प्रमुख दिपक चन्द्र बरालले बताए ।

उनका अनुसार शिविरमा निःशुल्क स्वास्थ्य परीक्षण र परामर्शका साथै प्याप स्मेर जाँच गर्दा कुनै शुल्क नलाग्ने र अल्ट्रासाउण्डमा ५० प्रतिशत र ल्याब टेस्टमा ३० प्रतिशत र अन्य अस्पतालले दिने सेवा समेत ३० प्रतिशत छुट दिनेछ ।
पाठेघरमा मासु पलाएको निकाल्ने शल्यक्रिया, बिरामीको पाठेघर निकाल्ने शल्यक्रिया, अण्डामा शिष्ट पलाएको, पाठेघर निकाल्ने शल्यक्रिया लगायत स्त्री रोग सम्बन्धि कुनै पनि समस्या भएका र उनीहरुको ल्याप्रोस्कोपी सर्जरीबाटबाटै अप्रेशन गर्नु नै पर्ने अवस्था आएमा पनि शिविरको दिन ३० प्रतिशत छुटको व्यवस्था गरिने अस्पतालले जनाएको छ ।