काठमाडौं । प्रधानमन्त्री शेरबहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ ।

प्रधानमन्त्री देउवालाई भेट्न माओवादी अध्यक्ष प्रचण्ड केहीबेर अघि प्रधानमन्त्री निवास बालुवाटार पुगेका हुन् । आसन्न निर्वाचनमा गठबन्धन कायमै राखेर निर्वाचनमा जाने भनिए पनि कांग्रेस नेताहरुले गठबन्धन हुन नसक्ने बताइरहेकाबेला दुई शीर्ष नेताबीच भेटवार्ता भएको हो ।

कांग्रेसले आज मात्रै निर्वाचन लक्षित एक महिने अभियान चलाउने निर्णय गरेको छ ।

यसअघि गठबन्धन जोगाउनकै लागि प्रचण्ड पार्टीभित्रको विवाद खेपेर पनि एमसीसी पास गर्न सहमत भएका थिए ।

कांग्रेसका संस्थापन इतर पक्षका नेताहरु आसन्न निर्वाचनमा कांग्रेसले कसैसँग गठबन्धन नगर्ने बताइरहेका छन् ।