काठमाडौं । नेपालमा पछिल्लो २४ घण्टामा २२४ जनामा कोरोना भाइरस संक्रमण पुष्टि भएको छ ।
देशभरीका विभिन्न प्रयोगशालामा ६ हजार ९३६ पीसीआर परीक्षण गर्दा ६८ जना र ३ हजार १५६ एन्टिजेन विधिबाट परीक्षण गर्दा १५६ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
सोही अवधिमा देशभरबाट २५१ जना संक्रमणमुक्त भएको पनि मन्त्रालयले जनाएको छ ।
मन्त्रालयकाअनुसार अहिले पनि नेपालमा ५ हजार ६९२ जना कोरोनाका सक्रिय संक्रमित छन् । तीमध्ये ३९ जना आईसीयूमा र ५ जना भेन्टिलेटरमा रहेका छन् ।
पछिल्लो २४ घण्टामा भने कोरोना संक्रमित कसैको पनि मृत्यु नभएको मन्त्रालयको विवरणमा उल्लेख छ ।