काठमाडौं । नेपाल बैंक लिमिटेडका कर्मचारी तथा ग्राहकहरुलाई पोखरास्थित चरक मेमोरियल हस्पिटलमा उपचार शुल्कमा बिशेष छुट हुने भएकोछ ।

नेपाल बैंक लिमिटेडमा कार्यरत कर्मचारीलाई अस्पतालको विविध सेवाहरुमा लाग्ने शुल्कमा १५ प्रतिशतसम्म छुट प्रदान गर्ने गरी सम्झौता भएको छ ।

साथै नेपाल बैंकको डेविट कार्ड, क्रेडिट कार्ड, मोवाइल बैंकिङ्ग र क्युआर कोर्ड मार्फत भुक्तानी गर्ने ग्राहकलाई अस्पतालको विविध सेवाहरुमा १० प्रतिशतसम्म छुट हुने व्यवस्था गरिएको छ ।

गण्डकी प्रदेशको पोखरामा भएको उक्त सम्झौतापत्रमा चरक मेमोरियल हस्पिटलका तर्फबाट अध्यक्ष रामचन्द्र रेग्मी र नेपाल बैंकका प्रमुख कार्यकारी अधिकृत कृष्णबहादुर अधिकारीले हस्ताक्षर गरेका थिए ।