काठमाडौँ । आईसीसी पुरुष विश्वकप लिग २ अन्तर्गत आजको खेलमा पपुवा न्युगिनी (पीएनजी)ले नेपाललाई दुई सय ५ रनको लक्ष्य दिएको छ । जारी त्रिदेशीय सिरिजको खेलमा आज नेपाल र पपुवा न्युगिनीको खेल जारी छ ।

युनाइटेड अरब इमिरेट्स (यूएई)स्थित सारजहा क्रिकेट मैदानमा भएको खेलमा पीएनजीले निर्धारित ५० ओभरमा ८ विकेट गुमाएर दुई सय ४ रन बनाएको हो ।

पीएनजीका लागि चार्लेस अमिनिले सर्वाधिक ५९ रनको योगदान गरे । ओपनर टोनी उरा २७ रन र लेगा सियाका २५ रन बनाएर पभेलियन फकिँदा कप्तान आसाद भालाले १९ रन जोडे ।

नेपालको बलिङमा सोमपाल कामीले सर्वाधिक तीन विकेट लिए । कप्तान सन्दीप लामिछाने, ज्ञानेन्द्र मल्ल र आरिफ शेखले समान एक विकेट लिए ।