काठमाडौँ । स्वास्थ्य तथा जनसंख्या मन्त्री विरोध खतिवडाले चीन सरकारका कारण भक्तपुरमा हालसम्म वीर अस्पताल बनाउन नसकिएको बताएका छन्। मंगलबार चाँगुनारायण नगरपालिका १ मा अवस्थित वीर अस्पतालको विस्तारित परियोजना जग्गा अनुगमनका क्रममा उनले चीनका कारण निर्माण हुन नसकेको बताएका हुन्।

उनले चिनियाँ विदेश मन्त्रीको नेपाल भ्रमणका बेलामा यो विषयलाई एजेण्डामा राखेर छलफल हुने र निर्माणका लागि चिनियाँ सरकारलाई सहमति गराउने प्रयास गर्ने बताए। उनले भने, ‘चीनले गर्छु भनेको आँटमा हामीले यो अगाडि सारेका हौँ, आशालाई निराशामा परिणत हुन हामी दिदैनौँ, तपाईहरुलाई म विश्वास दिलाउन चाहान्छु ।’

उनले चीन सरकारको सहयोगमा निर्माण हुन नसके दाता खोज्दै नेपालले आफ्नै लगानीमा निर्माण कार्य प्रारम्भ गर्ने बताए ।