काठमाडौँ । पछिल्लो २४ घण्टामा देशभर थप ८ जनामा कोरोना भाइरस (कोेभिड–१९) संक्रमण पुष्टि भएको छ । दुई हजार ६५५ जनामा गरिएको कोरोना परीक्षणमा ८ जनामा मात्रै संक्रमण पुष्टि भएको हो ।

सोही अवधिमा २१० जना संक्रमणमुक्त भएका छन् । नेपालमा हालसम्म कूल संक्रमितमध्ये नौ लाख ६४ हजार ६०८ जना निको भइसकेका छन् ।

हाल नेपालमा सक्रिय संक्रमितको संख्या एक हजार ७५८ पुगेको रहेको छ । हाल काठमाडौँ जिल्लामा मात्र २ सयभन्दा बढी सक्रिय संक्रमित छन् ।

यस्तै, धनकुटा, संखुवासभा, रामेछाप, मनाङ, मुस्ताङ, रुकुम पूर्व, जुम्ला, डोल्पा, हुम्ला, कञ्चनपुर र बाजुरा भने संक्रमणमुक्त भएका छन् ।