काठमाडौँ । बहुप्रतीक्षित फिल्म ‘केजीएफ च्याप्टर २’को ट्रेलर रिलिज भएको छ । दक्षिण भारतीय अभिनेता यश स्टार फिल्मको ट्रेलर आइतबार सार्वजनिक गरिएको हो ।

प्रशान्त निलले निर्देशन गरेको फिल्मको ट्रेलरमा यश, सञ्जय दत्त, रविना टण्डनलगायत कलाकारलाई देखाइएको छ । ‘केजीएफ च्याप्टर २’ आगामी अप्रिल १४ अर्थात् वैशाख १ गते रिलिज हुँदै छ ।

फिल्ममा श्री निधि सेट्टी, प्रकाश राज र माल्विका अविनाशको पनि अभिनय रहेको छ । यसको अघिल्लो सिरिज ‘केजीएफ’ले बक्स अफिसमा आक्रामक कमाई गरेको थियो ।