काठमाडौं । सरकारले बालबालिकालाई टाइफाईड रोगको खोप दिने भएको छ । स्वास्थ्य तथा जनसंख्या मन्त्रालय अन्तगर्तको परिवार कल्याण महाशाखाका अनुसार १५ महिनादेखि १५ वर्ष मुनिका बालबालिकालाई टाईफाईडको खोप दिने जनाएको छ ।

चैत २५ गतेदेखि बैशाख १८ गतेसम्म देशैभरका बालबालिकाको लागि खोप दिने महाशाखाले जनाएकाे छ । नजिकैका खोप केन्द्रमा गएर टाईफाईडको खोप अनिर्वाय लगाउँन महाशाखाको अनुरोध छ ।

खोप लगाउँने मिति स्थानका बारेमा स्वास्थ्य संस्था, विद्यालय र वडा कार्यालयमा सम्पर्क सम्पर्क गर्न महाशाखाले जनाएको छ ।
यस खोप अभियान पश्चार्त नियमित खोप कार्यक्रममै यो खोप समाबेश गरिनेछ भने १५ महिना पुगेका सबै बालबालिकालाई एक डोज टाईफाईड खोप दिईने महाशाखाले जनाएको छ ।

टाइफाइड खाद्यपदार्थका कारण फैलिने सरुवा रोग हो।
टाईफाईड रोग सबै उमेर समूहका व्यक्तिमा लागेको पाइए पनि विशेषगरी १५ वर्षमुनिका बालबालिकामा धेरै जोखिम हुने चिकित्सकहरु बताउँछन् ।