काठमाडौँ । ‘लर्ड अफ दि ड्रिङ्क्स (एलओडी)का सञ्चालक राजु सिंह उर्फ ‘माइला’ पक्राउ परेका छन् । अभद्र व्यवहारको अभियोगमा महानगरीय प्रहरी वृत्त सोह्रखुट्टेले उनलाई तीन दिनअगाडि पक्राउ गरेकाे हो ।

प्रहरी स्रोतका अनुसार पाँच दिनअघि बालुवाटारका अभिषेक शेरचनले उनीविरुद्ध कुटपिटको अभियोगमा जाहेरी दर्ता गरेका थिए । सोही विषयमा सोधपुछका लागि उनलाई तीन दिनअगाडि पक्राउ गरिएको हो ।

पक्राउ परेका उनलाई महानगरीय प्रहरी वृत सोह्रखुट्टेमा राखेर घटनाको थप अनुसन्धान भइरहेको प्रहरीले जनाएको छ ।