काठमाडौं । एमाले अध्यक्ष केपी ओलीले माधवकुमार नेपालसहित १४ सांसदविरुद्ध सर्वोच्चमा दर्ता गरेको मुद्दाको सुनवाई चैत २७ गते हुने भएको छ । नेकपा एमालेले दिएको रिटमाथि आइतबार सुनुवाइ हुने गरी पेशी तोकिएपनि न्यायाधीस नहकुल सुवेदीले उक्त रिटको सुनुवाई २७ गते हुने जनाएको हो ।

न्यायाधीशहरु अनिलकुमार सिन्हा र नहकुल सुवेदीको इजलासमा उक्त मुद्दाको पेशी तोकिएको थियो । तर न्यायाधीश सुवेदीले आफूले १४ सांसदमध्ये एक सांसद सोमप्रसाद पाण्डे संलग्न एक मुद्दामा आफूले आदेश गरेकाले अहिले उनीसमेत विपक्षी भएको रिटको सुनुवाइ गर्न नमिल्ने र आफुले हेर्न नमिल्ने भनी आइतबार उक्त इजालसमा सुनुवाइ नहुने जानकारी गराएका थिए । मुद्धा हेर्न नमिल्नेमा परेपछि सुनुवाईमा ढिलाई भएको हो ।

करिब सात महिनादेखि पटक-पटक यो रिटमाथीको सुनुवाई सदै सदैं आएको थियो । एमालेबाट निष्कासित १४ सांसदविरुद्धको मुद्दामा आज पूर्ण सुनुवाइका लागि पेसी तोकिएकोमा विपक्षीको तर्फबाट स्थगनको निवेदन पनि पेस भएको थियो ।

एमालेले भने उक्त इजलास ‘कम्फटेबल’ नभएपछि माधव नेपाल पक्षले आजको सुनुवाइ स्थगित गर्न खोजिको आरोप लगाउँदै आएको थियो ।