काठमाडौं । बिबाह को प्रलोवनमा पारेर अवैध रुपमा ठगि गरेको एक पुरुष पक्राउ परेका छन् । महानगरीय अपराध महाशाखाले रामेछाप जिल्ला साघँटार नगरपालिका वठा नं ३ घर भई हाल काठमाडौंको धापासी बस्दै आएका ५२ वर्षीय लोक बहादुर श्रेष्ठलाई पक्राउ गरेको हो ।

महानगरीय अपराध महाशाखाका अनुसार श्रेष्ठले विवाह गर्ने प्रलोभन देखाई पटक पटक गरी बयालिस लाख चौतिस हजार ठगि गरेका थिए । बिबाह गर्ने प्रलोभन देखाई पिडितलाई बिश्वासमा पारी आफू बिरामी परेको भनी कहिले अस्पतालमा उपचार गर्न त कहिले झारफुक गर्नका लागि भन्दै आइएमी तथा सिटिएक्सप्रेस मार्फत पटक(पटक गरी करिब बयालिस लाख चौतिस हजार ठगी गरेको महानगरीय अपराध महाशाखाले जनाएको छ ।

महाशाखाबाट खटिएको बिशेष प्रहरी टोलीले उनलाई गत २० गते काठमाण्डौंको बिशालनगरबाट पक्राउ गरी ठगी कसुर अन्तर्गत थप अनुसन्धानका लागि महानगरी प्रहरी परिसर, काठमाण्डौ पठाईएको महाशाखाले जनाएको छ ।