काठमाडौँ । आगामी वैशाख ३० गते स्थानीय तहको निर्वाचन हुने भएसँगै निर्वाचन आयोगले शुक्रबार मध्यरातदेखि आचारसंहिता लागू हुने जनाएको छ ।

शुक्रबार आयोजित पत्रकार सम्मेलनमा आयोगका प्रवक्ता शालिग्राम शर्मा पौडेलले मध्यरातिदेखि निर्वाचन आचारसंहिता लागू हुने बताए ।

निर्वाचनलाई स्वच्छ, निष्पक्ष, पारदर्शी बनाउन आयोगले सरकार, संवैधानिक निकाय, अर्धसरकारी संस्था, राजनीतिक दल, उम्मेदवार, सार्वजनिक पद धारण गरेको व्यक्ति, सञ्चारमाध्यम, पर्यवेक्षक, गैरसरकारी संस्था, विद्यालय र विश्वविद्यालयका शिक्षक तथा कर्मचारी, मतदातालगायतले पालना गर्नुपर्ने आचारसंहिता जारी गरेको हो ।

आचारसंहिता लागू भएपछि कुनै योजनाको शिलान्यास, उद्घाटन, सर्वेक्षण गर्न तथा अध्ययनका लागि अनुदान दिनसमेत बन्द हुने छ । यस्तै,
आयोगको अनुमतिबिना सरकारी कर्मचारी र पदाधिकारी विदेश भ्रमणमा जानसमेत पाउने छैन ।