काठमाडौं । नेकपा एमालेका उपाध्यक्ष एवम् पुर्व अर्थमन्त्री विष्णु पौडेलले अर्थमन्त्री जनार्दन शर्माले नेपाल राष्ट्र बैंकको स्वायत्ततामाथि हस्तक्षेप गरेको बताएका छन् । आइतबार ललितपुरस्थित हिमालय होटलमा एमालेले अहिलेको गभर्नर र अर्थतन्त्रका बारेमा आफ्नो धारण गर्न गरेरको पत्रकार सम्मेलनमा बोल्दै राष्ट्र बैंक स्वायत्त निकाय हो भन्दै उनले अर्थमन्त्रीले मन्त्रालय अधिनको अंगजस्तो ठानेको आरोप लगाए ।

उनले सरकारले हालै मात्र घृणित काम गरेको आरोप लगाए । उनले सरकारलाई पटक पटक सचेत हुन भन्दा अहिलेको सरकारले निलम्बन गरेको छ यो घृणित कार्य भएको उनको आरोप छ । नेपालको आर्थिक अवस्था संकट उन्मुख हुदै गएको उनको भनाई छ ।
‘ राष्ट्र बैंकलाई मन्त्रालय अधिनको अंगको रुपमा व्यवहार गरियो, गभर्नरलाई मातहतका सचिव वा सहसचिवलाई झै चलाउन खोजियो, राष्ट्र बैंकको स्वायत्ततामा हस्तक्षेप गरियो’ उनले भने ।