हुरिले पात झारे जस्तै
बररररररर
नियुक्तीहरु झरे
कोहि ईधर गिरे
कोहि उधर गिरे
कोहि हावाले उडाएर
टुप्लुक्क
सात समुद्र पारी पुगे ।

बडका भलमंसा
भतिज रामलाललाई भन्दै थिए
रोग लागेका
सुखेका
कमजोर पात
हुरिले झर्छन ।

जनता कराउँदै छ्न
र भन्दै छ्न
तिम्रा हैन
राम्रो छान ।

जिम्वाल हरुले सुने पो
चासो राखे पो
जनता भन्दा
आसेपासेको
स्वार्थ पुर्ती गर्नु छ
एनि हाउ
चुनाव जित्नु छ
सत्ताको चासनी चाख्नु छ ।

कस्ता मान्छे छान्दा
देशको प्रतिष्ठा बढ्छ
हाम्रो इज्जत बढ्छ
त्यो सोच्ने फुर्सद, चासो
कसलाई छ ?

ज्याद्रा भएका छ्न सत्ताले मातेर
कुरा तर्कले जित्न न सक्ने
गुंडा शैलीमा
धम्काउंदै तर्साउंदै ठिक्क ।

देशको हालत हेर्दा
मुहम्मद गजनीले
सोमनाथको मंदिरमा
लुटपाट मचाए जस्तो ।

नेता चुन्नेहरु
चुनाव आउंदै छ
ईमानदार चुन
सत्य बोल्ने चुन
काम गर्न सक्ने चुन
देशलाई माया गर्ने चुन ।

लेखक मल्ल नेपाल प्रहरीका पूर्व प्रहरी नायव महानिरीक्षक (डीआईजी) हुन् ।