काठमाडौँ । नेपाल सरकारका पूर्व सचिव केदारबहादुर अधिकारीले सक्रिय राजनीतिमा लाग्ने घोषणा गरेका छन् । उनले सामाजिक सञ्जालमार्फत पूर्ण रुपमा राजनीतिमा लाग्ने बताएका हुन् ।

उनले राष्ट्रिय प्रजातन्त्र पार्टीबाट राजनीति गर्ने घोषणा गरेका हुन् । उनले भने, ‘नयॉं बाटो रोजियो राजनीतिको, राष्ट्रिय प्रजातन्त्र पार्टी छनौट गरियो, सहयोगको शुभेच्छा ।’

उनले गत वर्ष मात्रै सचिव पदबाट अवकाश पाएका थिए । उनी मुख्य सचिव पदमा समेत प्रतिस्पर्धी थिए । तर, मुख्य सचिव बन्न सकेनन् ।