श्रीलंको राजधानी कोलम्बोमा प्रदर्शनकारीबीच भएको झडपमा एक जना सत्तारुढ दलका सांसदको मृत्यु भएको छ । समाचार एजेन्सी एएफपीले प्रहरीलाई उदृत गर्दै सांसद पी अमरकीर्थी अथुकोरालाको मृत्यु भएको पुष्टि गरेको हो ।

प्रदर्शनमा करिब १३० जनाभन्दा बढी घाइते भएका छन् । तीमध्ये केहीको अवस्था गम्भीर रहेको समाचारमा जनाइएको छ । तनाव उत्पन्न भएपछि सोमबार प्रहरीले कर्फ्यू लगाएको छ ।

श्रीलंकामा विदेशी मुद्राको अभावबाट उत्पन्न भएको आर्थिक संकटको पछिल्ला दिनमा झन विकराल बन्दै गएको छ । जसका कारण इन्धन, खाद्यान्न र औषधि जस्ता अत्यावश्यक आपूर्तिको अभाव भएको छ ।

सरकार र सांसद्लाई तत्काल समाधान खोज्न माग गर्दै केही दिनदेखि आन्दोलन जारी छ ।