चितवन । जिल्लाको भरतपुर महानगरमा मेयरकी उम्मेदवार नेकपा माओवादी केन्द्रकी रेनु दाहाल तीन हजार २०२ मतले अग्रता लिएकी छन् । शुक्रबार साँझ ५ बजेसम्मको मत गणनाअनुसार उनी तीन हजार मतले अगाडि भएकी हुन् ।

कूल ५९ हजार ९१७ मत गणना सम्पन्न हुँदा दाहालले मात्रै २२ हजार ५९६ मत पाएकी छन् । यस्तै, नेकपा एमालेका उम्मेदवार विजय सुवेदीले १९ हजार ३९४ मत पाएका छन् ।

यसैगरी, स्वतन्त्र उम्मेदवार जगन्नाथ पौडेलले ८ हजार ३७३ मत पाएका छन् ।

उपमेयरमा भने नेपाली कांग्रेसका चित्रसेन अधिकारीले २४ हजार ८४६ मतका साथ अगाडि रहेका छन् । एमालेसँग गठबन्धन गरी उम्मेदवारी दिएकी राप्रपाकी हिमला गुरुङले १५ हजार ३११ मत पाएकी छन् ।