काठमाडौँ । स्ट्याण्डर्ड चार्टर्ड बैंक नेपालले नारायण चौर नक्सालमा नयाँ शाखा सञ्चालनमा ल्याएको छ । उक्त शाखा लाजिम्पाटबाट स्थानान्तरण गरिएको हो ।

शुक्रबार एक कार्यक्रमबीच उक्त शाखाको उद्घाटन नेपालका लागि बेलायती राजदूत निकोला पोलिटले गरिन् । कार्यक्रममा बैंकका निर्देशक भरत कुँवर ग्राहक तथा वरिष्ठ कर्मचारीको उपस्थिति रहेको थियो ।

सो अवसरमा प्रमुख कार्यकारी अधिकृत अनिर्वाण घोष दस्तीदारले भने, ‘हामी नयाँ शाखाबाट हाम्रा विद्यमान र नयाँ ग्राहकलाई सेवा दिन पाउँदा हर्षित छौँ, नयाँ स्थानबाट ग्राहकलाई डिजिटल र स्मार्ट सेवा प्रदान गरिने छ, ग्राहकका लागि सेवा सुविधा बढाउन बैंकसँग उच्च डिजिटल क्षमता रहेको छ ।’

बैंकले शाखामा नयाँ खाता खोल्नका लागि विभिन्न अफरहरू पनि ल्याएको छ ।