काठमाडौं । नेपाली सेनाले हराइरहेको तारा एयरको विमान फेला परेको छ । उक्त जहाज थासाङ गाउँपालिका वडा नम्बर ३ मा जहाज दुर्घटनाग्रस्त अवस्थामा फेला परेको छ । जुन समुद्री सतहबाट १३ हजार फिटको उचाईमा भेटिएको हो ।
नेपाली सेनाका प्रवक्ता सहायक रथी नारायण सिलवालले तारा एयरको दुर्घटनाग्रस्त जहाज फेला परेकोले त्यसतर्फ सेनाहरू गएको बताएका छन्।

उनले खोजी र उद्धार टोलीले विमान रहेको स्थान पत्ता लगाएको र यसबारे थप विवरण आउन बाँकी रहेको बताएका छन् । उनकाअनुसार मुस्ताङको थासाङ गाउँपालिका वडा नम्बर ३ मा जहाज दुर्घटनाग्रस्त अवस्थामा फेला परेको छ ।
आइतबार बिहान ९ ५५ मा पोखराबाट उडेको जहाज १०१५ मा मुस्ताङको जोमसोम विमानस्थलमा अवतरण गर्नुपर्ने थियो। उक्त जहाँ १३ हजार फिटमा भेटिएको हो ।