काठमाडौँ । चलचित्र कबड्डी ४ की अभिनेत्री मिरुना मगरमाथि दुर्व्यवहार गरेको आरोपमा पक्राउ परेका बौद्ध भिक्षु फुर्वा लामा रिहा भएका छन् । काठमाडौँका प्रमुख जिल्ला अधिकारी गोविन्दप्रसाद रिजालको आदेशमा उनलाई रिहाइ गरिएको हो ।

आफूमाथि ‘ब्याड टच’ गरेको भन्दै मगरले लामालाई प्रहरीको जिम्मा लगाएकी थिइन् । अभद्र व्यवहार मुद्दामा अनुसन्धान गरिरहेको प्रहरीले जिल्ला प्रशासन कार्यालयमा हाजिर गराएको थियो । प्रजिअ रिजालको आदेशपछि उनी रिहा भएका हुन् ।

मगरले आइतबार सुन्धारास्थित सिभिल मलमा आफूमाथि ब्याड टच गरेको आरोप लगाएकी थिइन् । उनको मौखिक उजुरीपछि प्रहरीले लामालाई नियन्त्रणमा लिएको थियो ।

उक्त घटनापछि उनको रिहाइ र मिरुनाले सार्वजनिक रूपमा माफी माग्नु पर्ने माग गर्दै विरोध प्रदर्शन भइरहेको छ ।