काठमाडौँ । दर्जनौँ हेलिकप्टरको सहयोगमा आगो निभाउने अनवरत प्रयासका बाबजुद पनि यहाँ बिहीबार तेस्रो दिनसम्म डढेलो नियन्त्रणमा ल्याउन नसकिएको योनहाप समाचार एजेन्सीले जनाएको छ ।

राजधानी सियोलबाट करिब २८० किलोमिटर दक्षिणपूर्वमा रहेको मिर्याङको पहाडबाट मंगलबार बिहान शुरु भएको आगो तीव्र हावा र सुख्खा पतझरले नजिकैको जंगलमा व्यापक रूपमा फैलिएको थियो ।

उक्त डढेलो निभाउन ५३ वटा हेलिकोप्टर र करिब दुई हजार ४५० कर्मचारी परिचालन गरिएको छ । यद्यपि, तीन दिनसम्म आगो नियन्त्रणमा आएको छैन ।

आगलागीबाट करिब सात सय हेक्टर जमिन प्रभावित भएको छ । कुनै मानवीय र भौतिक क्षतिको यकिन विवरण भने अहिलेसम्म बाहिर आएको छैन ।