काठमाडौँ । रूसले युक्रेनको २० प्रतिशत भूभाग कब्जा गरेको युक्रेनले दाबी गरेको छ । युक्रेनका राष्ट्रपति भोलोदिमिर जेलेनेस्कीले यस्तो बताए ।

उनले भने, ‘हाम्रो कुल भूभागको झण्डै २० प्रतिशत भूभाग रूसले कब्जा गरेको छ ।’ देशको पूर्वी सीमा क्षेत्रमा पृथकतावादीले कब्जा गरिरहेकै ठाउँमा रूसले कब्जा गरेको उनको भनाइ छ ।

युक्रेनमा लामो समयदेखि आन्दोलनरत पृथकतावादीलाई पहिले पनि रुसको सहयोग र समर्थन रहेको युक्रेनले आरोप लगाउँदै आएको छ ।

लक्जम्बर्गमा सांसदलाई सम्बोधन गर्दै युक्रेनी राष्ट्रपति जेलेनेस्कीले आफ्नो भूमि रक्षाका लागि आफूहरु सधैँ संघर्ष गरिरहनु पर्ने बताए । उनले निराश नहुन र कुनै पनि हालतमा पछाडि नहट्न सबैलाई आग्रह गरे ।