काठमाडौँ । प्रतिनिधिसभामा विनियोजन विधेयक २०७९–८० पारित भएको छ । गत सोमबारदेखि प्रतिनिधिसभामा जारी बजेटको नीति तथा कार्यक्रम, विनियोजन बजेटको विधेयक शुक्रबार बसेको सभाले बहुमतसहित पारित गरेको हो ।

योसँगै आगामी आर्थिक वर्ष २०७९–८० को बजेट पास भएको छ । गत जेठ १५ गते अर्थमन्त्री जनार्दन शर्माले आगामी आर्थिक वर्षको अनुमानित आय व्ययसहित बजेट पेश गरेका थिए ।

उनले कुल १७ खर्ब ९३ अर्ब ८३ करोड रुपैयाँ बराबरको बजेट ल्याएका थिए ।