काठमाडौँ । प्रधानमन्त्री निवास बालुवाटारमा सत्ता गठबन्धन दलका शीर्ष नेताहरूबीच भेटवार्ता भएको छ ।

वार्तामा प्रधानमन्त्री तथा नेपाली कांग्रेसका सभापति शेरबहादुर देउवा, नेकपा मा‌ओवादी केन्द्रका अध्यक्ष पुष्पकमल दाहाल ‘प्रचण्ड’, नेकपा एकीकृत समाजवादीका अध्यक्ष माधवकुमार नेपालसहितका नेताहरू रहेका छन् ।

स्रोतका अनुसार पार्टीको कार्यक्रमका लागि बर्दिया पुगेका प्रचण्ड फर्किएसँगै गठबन्धनका नेताहरूबीच भेटवार्ता भएको हो ।

बैठकमा प्रधानमन्त्रीको अमेरिका भ्रमणलगायत समसामयिक विषयमा छलफल हुने भएको छ ।