काठमाडौँ । प्रधानमन्त्री शेरबहादुर देउवालाई प्रतिनिधिसभाअन्तर्गतको अन्तर्राष्ट्रिय सम्बन्ध समिति बैठकमा बोलाइएको छ ।

सिंहदरबारस्थित संसदीय सचिवालयमा बिहान १० बजे बस्ने बैठकमा एसपीपीबारे सरकारको निर्णय र आसन्न अमेरिका भ्रमण छलफलको एजेण्डा रहेको छ ।

देउवालाई भ्रमणका सन्दर्भमा उठेका सवाल तथा एसपीपीको जवाफ दिन बैठकमा बोलाइएको हो । शुक्रबार बसेको समितिको बैठकले एसपीपीबारे सरकारको निर्णय औपचारिक रूपमा समितिमा पेस गर्न निर्देशन दिएको थियो ।

यसअघि एसपीपीका बारेमा परराष्ट्रमन्त्री नारायण खड्का र प्रधान सेनापति प्रभुराम शर्मासँग छलफल भइसकेको छ ।