काठमाडौं । राष्ट्रिय खेलाडीलाई सरकारले धेरै नै सुविधाहरु उपलब्ध गराउँदै आएको छ । तर केही यस्ता खेलाडीहरु पनि छन् जसले सरकारी सुविधा त परको कुरो, आर्थिक अभावका कारण उपचार गर्न नपाउने समेत छन् । त्यस्ता खेलाडीको एउटा ज्वलन्त उदाहरण हो खडक साउद । उनि कलेजो रोग जस्तो गम्भिर रोगसँग ग्रस्त भएका छन् ।

विगत ७ वर्षदेखि कलेजोको रोगसँग जुधिरहेका साउद यतिबेला आर्थिक अभावका कारण उपचार गर्न नपाएर रहातको आशा गरीरहेका छन् । सरकार पक्षले केही गर्लान् की भनेर उपचारमा ढिलाई भईसकेको भएता पनि उनलाई सहयोग भने कसैले गरेका छैनन् ।

सुदुरपश्चिमबाट राष्ट्रिय खेलमा सहभागी भएका साउदले आफ्नो ठाँउको लागि धेरै नै जित दिलाएका छन् तर उनको उपचारको लागि कुनै पनि पक्षले हालसम्म पनि केही गरेका छैनन् । कैलाली जिल्लाको टिकापुर नगरपालिका वडा नंबर घर भएका साउदको कलेजो प्रत्यारोपण गनुपर्ने भएको कारणले उनलाई आर्थिक भार परेको हो ।

‘कलेजो बिग्रिएको रहेछ, अब चिकित्सले कलेजो प्रत्यारोपण गर्नुपर्छ भनेका छन् ।’ साउदले भने,‘प्रत्यारोपण गर्नको लागि ३० देखि ४० लाख लाग्ने रहेछ तर त्यती धेरै रकम मसँग छैन ।’ उनि आर्थिक सहयोग बटुल्न अझ भनौ केही राहत पाउने अठोटले विभिन्न सरकारी अड्डा धाएका छन् तर उनलाई हालसम्म पनि कसैले राहत उपलब्ध गराउन सकेको छैन ।

सुदुरपश्चिम प्रदेशको तात्कालिन फुटबलको क्याप्टेनको भुमिका समेत निर्वाहा गरेका उनि हाल आर्थिक अभावकै कारणले उपचारको लागि ढिलाई गरेर बसेका छन् । ‘सुदुरपश्चिम प्रदेशको क्याप्टेनको भुमिकामा रहेर पनि काम गरे ।’ उनले भने,‘देशका लागि धेरै समय खेर फले तर आफुलाई पर्दा देशले मतलव पनि गरेको छैन । ’ उनले आफुलाई आर्थिक सहयोग गर्न समेत अपिल गरेका छन् ।

उनकै श्रीमती सुनिता चापाई साउदको ग्लोबलब आइएमी बंक नेपालगञ्ज शाखामा रहेको खाता नंबर ६२०७०१०००२३८६ मार्फत उनलाई सहयोग गर्न सकिन्छ ।