काठमाडौं । मुस्लिम धर्मावलम्बीको पवित्र तीर्थस्थल मक्का मदिनामा हज गर्न जाने हजयात्रीको विदाई गरिएको छ । नेपालबाट यसवर्ष १०४ हजयात्री मक्का मदिनामा हज गर्न जान लागेका थिए । उनीहरुलाई युवा तथा खेलकुद मन्त्री महेश्वर गहतराज (अथक)ले बिदाई गरेका हुन् ।

विभिन्न जिल्लाका हजयात्रीलाई त्रिभुवन अन्तर्राष्ट्रिय विमानस्थलमा पुगी मन्त्री गहतराजले बिदाइ गरेका हुन् ।

मन्त्री गहतराजले आफ्नो गृहनगर बाँकेका साथै बर्दिया, सुर्खेत, दाङ र अर्घाखाँचीबाट हजकालागि मक्का मदिना जान लागेका १०४ हजयात्रीहरुलाई दोसल्ला ओढाएर बिदाइ गरेको उनको सचिवालयले जनाएको छ ।

बाँकेका ८५, बर्दियाका ५, सुर्खेतका ६, दाङका ५ र अर्घाखाँचीका २ जना हजयात्री तथा १ जना प्रतिनिधी रहेका छन । हजयात्री साउदी अरबको जेद्दा अन्तर्राष्ट्रिय विमानस्थल हुँदै मक्कामदिना पुग्ने नेपाल हज समितिले जनाएको छ ।